Útvegsspilið

Útvegsspilið hefur verið ófáanlegt um árabil en nú snýr það aftur í upprunalegri útgáfu með viðbótarreglum sem stytta spilið í um 1 klst. fyrir þá sem vilja.

Í Útvegsspilinu geta tveir til sex tekið þátt í að koma sér upp skipaflota, veiða og vinna afla í eigin vinnslustöðvum og selja á erlendan markað. En þetta er ekki átakalaust og oft reynir mikið á útsjónarsemi spilamanna því teningurinn ræður ekki gangi mála nema að hluta.

Spilið er framleitt að öllu leyti á Íslandi og með handsmíðuðum húsum og skipum.